Derbi i rivalëve të qytetit të Gjilanit, do ta hap xhiron e 26-t të Superligës së Kosovës në futboll, e cila nis të enjten dhe përfundon të shtunën.
Drita – Gjilani është ndeshja e parë e kësaj xhiroje dhe një prej dueleve më interesante pasi pritet të ketë angazhim maksimal nga të dyja skuadrat deri në fund.
Kjo ndeshje luhet të enjten prej orës 14:00, ndërsa Drita është vendase në stadiumin me bari artificial të qytetit të Gjilanit.
Drita prinë të tabelë me 54 pikë dhe po marshon drejt titullit të kampionit kurse Gjilani është i katëri në tabelë me 35 pië të mbledhura dhe në këtë derbi futet pas dy ndeshjeve pa fitore.
Të premten, do të luhen dy ndeshje ku njëra prej tyre, ajo ndërmjet Prishtinës dhe Feronikelit ’74 do të starton prej orës 20:00 në stadiumin “Fadil Vokrri” në kryeqytet.
Ndërkohë, dueli Suhareka – Malisheva nis nga ora 14:00, ku vendasit synojnë të largohen nga pozta e parafundit në tabelë.
Xhiroja do të mbyllet të dielën, ku të dyja ndeshjet do të nisin në orën 14:00 edhe pse vëmendja do të jetë në Podujevë te përballja ndërmjet Llapit dhe Ballkanit kurse dueli tjetër është ai ndërmjet Ferizajt dhe Dukagjinit.
