Deputetja e Lëvizjes Vetëvendosje, Fatmire Mulhaxha-Kollça se dënimet me gjobë për dhunë ën familje janë banale, derisa e komentoi vrasjen e gruas në Pejë mëngjesin e sotëm, raporton teve1.info
Në emisionin “Ditari” në Tëvë1, Kollçaku tha se të gjitha rastet e dëgjuara të vrasjeve ët fundit kanë ndodhur nga recidivistë të veprave penale, derisa shtoi se ligjet dhe vendimet për vepra të tilla duhet të rishqyrtohen dhe të ashpërsohen.
“Të bëhet një pagesë e tillë për një dëm të shkaktuar i cili edhe është banal, bazuar në të gjitha analizat psikologjike dhe gjithë ato që i kemi dëgjuar, këta janë recidivistë dhe rrallë herë edhe gratë kur denoncojnë ato nuk denoncojnë menjëherë, ato janë të prirura të durojnë për një kohë të gjatë për mos ta prishur familjen, dhe kur ato denoncojnë vërtetë puna ka arrit kulmin dhe një dënim me një vlerë monetare është plotësisht i pakuptimtë dhe prandaj kjo duet të ndryshohet rishqyrtohet. Jo vetëm kjo por të gjitha rrethanat, ende e shohim që as në paraburgim nuk mbahet një dhunues as 48 orë që do të ishte minimalja derisa të bëhet një vlerësim fillestar dhe fatkeqësisht shohim marrëveshje të shpejta mes dhunuesit me punëtorët social ose në gjykatë që falet një dhunë që është e pafalshme çdoherë”, tha deputetja e cila është edhe anëtare e Komisionit Parlamentar për të Drejtat e Njeriut.
Ndërsa sa i përket reagimit të organizatave joqeveritare se është bërë mjaftë me tryeza e diskutime rreth kësaj çështjeje, Mulhaxha-Kollçaku tha se asnjëherë dhe asnjë aktivitet nuk është i tepërt në sensibilizimin dhe ndryshimin e kësaj gjendjeje.
“Nuk mund të thuhet mjaft me konferenca, asnjë aktivitet nuk është i tepërt, çdo aktivitet pason edhe me ndryshim të legjislacionit, legjislacioni ka pësuar ndryshime të mëdha pikërisht me diskutime për shkak të mobilizimit nga politika, shoqëria civile sepse shpeshherë nuk është e preferueshme të shihet asnjë grua që është në politikë sepse thonë ju bëjeni punën. Po, ne e bëjmë punën por nuk mendoj që asnjë aktivitet nuk është i tepërt. Mirëpo kjo nuk është, nuk ndodh vetëm në Kosovë prandaj ne nuk duhet ta shohim veten si një shtet të izoluar ku nuk ndodh askund në botë mirëpo çka duhet të bëjmë është që të bëjë çdo gjë që t’i parandalojmë këto raste duke ia ngushtuar rrethin secilit e secilës që mendon ta merr ligjin në dorë, fatin e jetën e dikujt, t’ia bëjmë me dije që do të sanksionohet deri në fund dhe këtë duhet ta thotë secili gjyqtar e prokuror qartë. Kjo qeveri po jep prova që nuk do të falen këto raste dhe kanë ndryshuar ligjet por prapë i ftoj prokurorët e gjyqtarët që vendimet, para se me i shiku rrethanat lehtësues, ta trajtojnë rastin me shumë seriozitet”, u shpreh Kollçaku.