Deputetja e Partisë Demokratiket të Kosovës, ka thënë se është sulmuar nga qentë endacak gjatë orëve të mbrëmjes në Prishtinë.
Hoxha kanë thënë se sulmi ka ndodhur tek kampusi i Universitetit të Prishtinës.
“Sonte duke u kthyer në shpi mezi shpëtova nga sulmi i 7 qeneve tek qendra universitare. U rrëzova, u sakatova e se di qysh ika nga ta tu u mbrojt me çantë…Ama kjo është hera e tretë që më ndodhë në hapësirën e njëjtë por në kohë të ndryshme, por hera e parë që po shkruaj pavarësisht që për raste të tjera kam reaguar”, ka thënë ajo.
Hoxha i ka bërë apel kryetarit të Prishtinës por edhe të komunave tjera të ndërmarrin veprime.
“Po i drejtohem kryetarit Rama e të tjerëve në Komunë pa dallim që me ndërmarrë diçka. Në studimet e shumta urbane për Prishtinën gjithmonë një nga atributet e forta të saj ka dal të jetë siguria në qytet. Ka kohë që Prishtina e ka humbur këtë atribut. Unë jam pjesë e atyre që i duan kafshët dhe nuk dua të cënohen, por kur jeta e njerëzve cenohet përditë duhet të mendohet për një zgjidhje për të dy palët”, ka shkruar ajo.
Sulmi i qytetarëve nga qentë endacak në Kosovë është bërë i shpeshtë. Ka pasur raste kur janë sulmuar edhe fëmijët afër institucioneve shkollore./teve1.info/
