Deputetja e zgjedhur nga Lëvizja Vetëvendosje, Arjeta Rexhepi ka thënë se janë të interesuar të zhvillojnë bisedime me partitë politike dhe të arrijnë një marrëveshje për çështjen e presidentit.
Ajo ka thënë se nga bisedimet nuk e përjashtojnë as Aleancën e cila refuzoi ftesën për takimin e parë.
Rexhepi në emisionin “Ditari” në Tëvë1 ka uruar që situata në LDK të mos ketë ndikim në formimin e institucioneve.
Sipas saj, partitë opozitare duhet të reflektojnë që të mos përsëriten zgjedhjet e reja.,
“Uroj që problemet në LDK të mos reflektojnë në situatën që ka Kosova. Na duhet institucione e partitë politike që janë në Kuvend duhet të kontribuojnë në këtë drejtim. Nuk jemi të interesuar për të shkuar pa pasur interesim të mirëfilltë me gjithsecilin, jemi optimist. Paritë tjera të reflektojnë përball kësaj situate, ashtu që mos të na përsëritet situata e zgjedhjeve të fundit dhe ta dërgojmë vendin në zgjedhje pa pasur nevojë”, tha ajo.
