Bytyqi vizitën e Kurtit në SHBA e ka quajtur vizitë turistike. Ajo në emisionin “Ditari” në Tëvë1 bëri krahasime në mes të vizitës së Kurtit me atë të kryetarit të AAK-së, Ramush Haradinaj.
“Kryeministri Kurti sot dhe gjithashtu në debate të tilla e kemi parë që vetëm vizitë zyrtare nuk mund ta quajmë. Unë ma mirë e kisha quajt një vizitë turistike për qejfi që e ka bë sesa një vizitë zyrtare. Është nder për ne si shtet që kryetari Haradinaj gjatë qëndrimit të tij në SHBA është pritur në Departamentin e Shtetit dhe kjo është falë marrëdhënieve të mira dhe të forta që i ka krijuar qysh atëherë kur ka qenë kryeministër dhe i ka ndërtuar”, tha Bytyqi.
Bytyqi tha se shpreson se Kurti do të ketë takime të nivelit të lartë në SHBA.
“Shpresojmë që është kënaq duke shëtitë. Përndryshe po shpresojmë se do ketë një vizitë tamam qysh duhet. Mirëpo besoj dhe shpresoj se do ketë një takim në Shtëpinë e Bardhë apo në Departamentin e Shtetit dhe kjo nuk është për t’u mburrur por është për t’u zhgënjyer nëse nuk do të ketë takime”, tha më tej ajo. /teve1.info/
