Deputetja e Aleancës për Ardhmërinë e Kosovës (AAK), Time Kadrijaj tha se nuk kanë ndikim në votën e deputetit goran, Adem Hoxha dhe as të deputetes boshnjake, Duda Balje.
Deputetja e Aleancës për Ardhmërinë e Kosovës (AAK), Time Kadrijaj tha se nuk kanë ndikim në votën e deputetit goran, Adem Hoxha dhe as të deputetes boshnjake, Duda Balje.
“Ka pasur edhe të Duda Baljes, sepse janë deklaruar vet se kanë aktivizuar miqtë edhe nga VLEN nga Maqedonia e Veriut, sepse në fakt iu kanë borxh sepse edhe këta iu kanë ndihmuar që të vijnë në pushtet. Janë qëndrime individuale të deputetëve, secili deputet vendos individualisht. Ne nuk kemi as ndikim tek Adem Hoxha, por nuk kemi ndikim as te Duda Balje. Këta janë deputetë, kanë qëndrimet e veta, e dinë pse nuk po bashkëpunojnë me LVV-në dhe i keni parë edhe deklaratat e tyre të cilat kanë qenë të qarta”, u shpreh ajo.
Kadrijaj tha se kanë dhënë alternativa dhe emrat e kandidatëve të cilat do të kishin marrë votat e Aleancës për Ardhmërinë e Kosovës.
“S’po presim asnjë ndryshim, ndryshimi mundet me ardh vetëm prej Lëvizjes Vetëvendosje nëse e ndryshon kandidatin ose e ndryshon qasjen me u heq prej kësaj praktike për ndryshimin e formës së votimit, ndryshimi i kandidatit besoj që do të ishte një zgjidhje dhe zgjidhje e këtij ngërçi që është krijuar në Kuvendin e Kosovës”, shtoi Kadrijaj.
