Alicia Kearns, deputete në Parlamentin e Britanisë së Madhe ka thënë se nëse forcat serbe kanë hyrë ilegalisht në Kosovë dhe kanë rrëmbyer tre pjesëtarë të Policisë së Kosovës, është një përshkallëzim shumë serioz.
Ajo përmes një postimi në Twitter ka thënë se ky veprim i Serbisë do duhej të pasohej me sanksione të rëndësishme nga fuqitë perëndimore, të cilat sipas saj nuk janë përmbajtur nga sanksionet ndaj Kosovës edhe për shumë më pak.
“Nëse policët kosovarë janë rrëmbyer nga forcat serbe që kanë hyrë ilegalisht në Kosovë, ky është një përshkallëzim shumë serioz. Kjo do të kërkonte një sanksion të rëndësishëm nga fuqitë perëndimore, të cilat nuk janë përmbajtur nga sanksionet dhe kritikat ndaj Kosovës për shumë, shumë më pak”, ka shkruar ajo./teve1.info/
