Haliti për Tëvë1 tha se në këto reforma do të përfshihen edhe personat e verbër, pensionistët dhe veteranët.
“Janë plot 47 milionë euro që do bëhet një reformë sociale dhe pas kësaj do fillojë edhe reforma pensionale. Do të rregullohen të gjitha kategoritë që marrin pensionet nga shteti. Këtu do përfshihen edhe personat e verbër, pensionistët, veteranët dhe të gjitha kategoritë”, deklaroi ai në emisionin “Këndi i Debatit”.
Ai tutje tregoi se Banka Botërore ka përkrahur këtë reformë sociale, mirëpo e njëjta nuk ndodhi edhe me partitë opozitare.
“Ministria e Financave Punës dhe Transfereve ka filluar një reformë sociale. Është një marrëveshje me Bankën Botërore, një kredi e butë, diku rreth 47 milionë euro. Dy herë është sjellur në Kuvendin e Kosovës, por fatkeqësisht nuk kemi pasur përkrahjen e partive opozitare”, shtoi ai.
Më tej, Haliti tha se nuk është e drejtë që brenda 1 viti të kërkohet nga qeveria Kurti t’i zgjidhë problemet e mbledhura për 23 vite. /teve1.info/