Artan Behrami ka hedhur kritika të mëdha ndaj kryeministrit në detyrë, Albin Kurti, pasi sot ka dështuar të konstituohet Kuvendi i Kosovës.
“I udhëhequr nga doktrina serbe, i kapluar nga frika e humbësit, Albin Kurti, Kosovën e ka shndërruar në “Banana Republic”!”, ka shkruar Artan HBehrami në rrjetin social “Facebook”.
Behrami ka deklaruar se protestat do të bëhen të pashmangshme.
“Durimi po soset. Protestat do të bëhen veprime të pashmangshme me këtë okupues të institucioneve”, ka shkruar ai.
Seanca konstituive e thirrur për ditën e sotme është ndërprerë, pasi Lëvizja Vetëvendosje nuk ka propozuar emër për kryeparlamentar dhe pasi që Kurti ka kërkuar afat shtesë me arsyetimin se ende nuk ka një marrëveshje për zgjidhjen e presidentit.
