Haliti në emisionin “Ditari” në Tëvë1, tha se partitë që sot e ngrehin zërin kinse për t’i mbrojtur interesat e veteranëve, sipas tij nuk kanë bërë asgjë gjatë 20 viteve të kaluara.
“Në këtë kohë të krizave mundohen që ta ngritin një problem të paqenë duke tentuar të shfrytëzojnë veteranët kundër qeverisë së Kosovës për shkak se këto parti sot e ngrehin zërin kinse për t’i mbrojtur interesat e kategorive të dala nga lufta e gjegjësisht të veteranëve, asgjë nuk kanë bërë për veteranëve gjatë 20 viteve të kaluara”, ka deklaruar ai.
Sipas tij, veterani nuk ka nevojë për një pagë minimale e as nuk duhet të konsiderohet si rast social.
“Pse këto qeveri të pasluftës i kanë lënë veteranët në këtë gjendje që sot konsiderohen si raste sociale dhe të lidhen me një pagë minimale. Veterani s’ka nevojë për një pagë minimale as nuk duhet të konsiderohet si një rast social. Qeveritë e deritanishme kanë luajtur me ndjenjat e veteranëve, i kanë përdorur për fushata elektorale”, tha Haliti. /teve1.info/
