Deputeti gjerman, Peter Beyer, gjatë fjalimit të tij në Bundestag ka deklaruar se strukturat paralele në veri të Kosovës duhet të çmontohen.
Kështu ka bërë të ditur ambasadori i Kosovës në Gjermani, Faruk Ajeti nëpërmjet një postimi në Facebook.
Sipas Ajetit, Beyer ka theksuar se zbulimi i fundit i një arsenali armësh në veri është dëshmi e qartë e rrezikut që përfaqësojnë këto struktura për sigurinë dhe stabilitetin.
“Mesazhi i qartë i deputetit gjerman Peter Beyer në Bundestag: Strukturat paralele në veri të Kosovës duhet të çmontohen. Lufta kundër strukturave kriminale, bandave dhe grupeve të dhunshme duhet të vazhdojë. Zbulimi i fundit i një arsenali armësh në veri është dëshmi e qartë e rrezikut që përfaqësojnë këto struktura për sigurinë dhe stabilitetin. Danke, Peter”, ka shkruar Ajeti në Facebook./teve1.info/
