Kryesuesi i delegacionit në Asamblenë Parlamentare të NATO-s, dhe përfaqësuesi nga Dhoma e Përfaqësuesve në Parlamentin e Belgjikës, Theo Francken, bëri të ditur se do ta ndihmojnë Kosovën në hapat e ardhshëm për integrim në BE dhe NATO.
Ai i deklaroi këto pas takimit që mbajtën delegacionet e Belgjikës dhe të Kosovës në Asamblenë Parlamentare të NATO-s.
Siç tha ai, Belgjika gjithmonë e ka mbështetur Kosovën si shtet sovran dhe të pavarur.
Po ashtu ai theksoi se Kosova duhet të jetë anëtare e Asamblesë Parlamentare të NATO-s.
“Belgjika e ka mbështetur gjithmonë vendin tuaj që nga dita e parë e pavarësisë. Dua të bëj një qëndrim të fortë se Belgjika do ta mbështesë gjithmonë Kosovën si shtet sovran dhe të pavarur dhe integritetin territorial të vendit tuaj. Kjo është shumë e rëndësishme të theksohet. Ka shumë tensione brenda Ballkanit, shumë tensione brenda vendit dhe mendoj se është një gjë e mirë që ne jemi këtu për të theksuar se Belgjika do të qëndrojë gjithmonë e fortë në anën tuaj, dhe gjithashtu kur flasim për Asamblenë Parlamentare të NATO-s, Kosova mund të jetë dhe duhet të jetë anëtare. Një anëtare e asociuar që do të jetë një hap shumë i mirë përpara në kuadër të integrimit dhe mendoj se AP e NATO-s, është shumë i rëndësishëm për të diskutuar për stabilitetin dhe sigurinë në Ballkanin Perëndimor dhe vazhdon të jetë një nga prioritetet tona”, tha ai në një konferencë për media.
Teksa, Driton Hyseni, kryesues i delegacionit të Kosovës, tha se kanë marrë mbështetje nga deputetët belg se Belgjika do të jetë krah aspiratave të popullit të Kosovës për integrim në BE e NATO.
“Kishim një takim shumë përmbajtjesore, njoftuam delegacionin me zhvillimet në Kosovës, më punën e institucioneve të Kosovës, situatën pulitke në Kosovë. Gjithashtu njoftuam delegacionin lidhje me aspirata që në si delegacion kemi në raport me Asamblenë Parlamentare të NATO, me ngritjen e prezencës tonë në kuadër të kësaj asambleje, që në si delegacion të kemi një rol më të avancuar brenda mekanizmave të NATO-së, brenda institucioneve të sigurisë”.“Shumë të nderuara edhe të kënaqur nga kjo vizitë por edhe nga përkrahja e delegacionit të Belgjikës. Belgjika është pran Kosovës ka përkrahjen e saj dhe këtë përkrahje sot e konfirmuan edhe tre deputetë e parlamentit të Belgjikës se do të jenë në përshaje të aspiratave të popullit të Kosovës për integrim në BE, integrim në NATO dhe mekanizmat tjetër të BE me qëllim që përnjëmend Kosova të mos ndihet e lënë anash”, u shpreh ai. /Teve1.info/