Kuvendi i Kosovës po mban seancë solemne në shënim të Ditës Memoriale për të Mbijetuarit e Dhunës Seksuale gjatë luftës.
Kjo ditë përkujtimore po shënohet nën moton “Ma kthe dritën”, ndërsa në rend dite është pika e dedikuar për nderimin e të mbijetuarve.
Në fillim të seancës, deputetët e Kuvendit të Kosovës kanë ndezur qirinj në shenjë respekti dhe solidariteti me të mbijetuarit e dhunës seksuale gjatë luftës.
Kjo seancë synon të rikujtojë vuajtjet e viktimave dhe të theksojë nevojën për drejtësi dhe mbështetje të vazhdueshme institucionale për ta.
