Dita e sotme ka nisur me zhvillime politike derisa deputetët e Partisë Demokratike të Kosovës janë nisur për në Kuvend, duke kërkuar vazhdimin e seancës konstituive.
Deputetja e kësja partie Vlora Çitaku në një konferencë për media para objektit të Qeverisë, e sqaroi situatën.
Ajo ka deklaruar se deputetët e kësaj partie do të rikthehen në Kuvend dhe do ta përsërisin kërkesën zyrtare për thirrjen e seancës për ditën e nesërme.
“Sot po ashtu ju njoftoj se do të jem sërish në Kuvendin e Kosovës. Do ta përsërisim kërkesën formale zyrtare për thirrjen e seancës nesër, sikurse do të kemi edhe aktivitete të tjera”, ka deklaruar Çitaku.
