Aty u vodhën barna dhe pajisje, derisa vlera totale e produkteve që mungojnë është rreth dymijë euro.
Ministria e Shëndetësisë përmes një mesazhi elektronik bëri të ditur se fillimisht është vërejtur mungesa e disa karrigeve dhe për këtë e njoftuan Policinë e Kosovës.
Bazuar në Sistemin e Menaxhimit të Stokut Farmaceutik ata u shprehën rreth produkteve që janë vjedhur.
“Bazuar në Sistemin e Menaxhimit te Stokut Farmaceutik (SMSF), Inspektorati Farmaceutik ka konstatuar se mungojnë sasi të produkteve si në vijim: Methadon sol 100ml, 90 shishe, Tramadol 50 mg, 541 ampula dhe Morphine 10mg/ml, 280 ampula. Vlera totale e produkteve që mungojnë është 1105.92€” bëri të ditur Minstria e Shëndetësisë.
Policia e Kosovës përmes një njoftimi zyrtar ka bërë të ditur se është arrestuar i dyshuari. Rasti u cilësua si vjedhje të rëndë.
“Puna e hetuesve të stacionit policor qendra, është finalizuar sot, ku pas marrjes së disa veprimeve operative kanë arrit që të gjejnë dhe sekuestrojnë një sasi të barnave si dhe të arrestojnë personin e dyshuar: S.K. mashkull, 24 vjeç, shtetas i Republikës së Kosovës. Personi i dyshuar me vendim prokurorit të shtetit është dërguar në mbajtje”, thuhet në njoftimin e Policisë.
Rastin e konfirmuan edhe nga Prokuroria Themelore në Prishtinë.
Sipas MSh-së, asnjëherë me parë nuk është raportuar për ndonjë vjedhje në Depon Qendrore të Barnave të Ministrisë së Shëndetësisë.
Kronika e gazetares Lendrina Kodrolli.
