Gjykata Themelore në Prishtinë, Departamenti për Krime të Rënda, ka shpallur fajtorë dy persona, me inicialet A.P. dhe G.H., për vepra penale që lidhen me blerjen, posedimin, shpërndarjen dhe shitjen e paautorizuar të narkotikëve.
Sipas njoftimit të gjykatës, i akuzuari A.P. është dënuar me 4 vjet burgim dhe 3 mijë euro gjobë, ndërsa G.H. është dënuar me 2 vjet burgim dhe 2 mijë euro gjobë.
Gjyakta ka njoftuar se dënimet do të ekzekutohen pasi aktgjykimi të marrë formën e prerë.
Përveç dënimeve me burgim dhe gjobë, të dy të akuzuarit janë obliguar të paguajnë nga 100 euro në emër të paushallit gjyqësor dhe nga 50 euro për Fondin për Kompensimin e Viktimave të Krimit.
Gjykata ka urdhëruar gjithashtu konfiskimin e 10 paketimeve me kokainë, me peshë totale prej 3 gramësh, një këllëfi të armës së llojit alltia dhe qeseve të najlonit të përdorura për paketimin e marihuanës./teve1.info/
