Njëri prej këtyre sulmuesve, është Sllobodan Radenkoviq.
Për këto veprime të tij më 29 maj të vitit 2023 ndaj pjesëtarëve të KFOR-it dhe Policisë së Kosovës, Radenkoviq u kap nga organet e drejtësisë këtë fillim vit.
Ndaj tij, Prokuroria Speciale ngriti aktakuzë për dy vepra penale.
Fajësinë për këto vepra, Radenkoviq e ka pranuar dhe ka arritur marrëveshje me organin akuzues.
“Marrëveshja konsiston në pranimin e fajësisë nga i pandehuri Sllobodan Radenkoviq, për dy vepra penale, sulm ndaj personit zyrtar, e kryer në bashkëkryerje, si dhe për veprën penale pjesëmarrje në turmë që kryen vepër penale dhe huliganizëm, po ashtu e kryer në bashkëkryerje”, tha Bekim Kodraliu – prokuror special.
Në seancën dëgjimore për shqyrtimin e kësaj marrëveshje, nga mbrojtja pati një lutje për kryetaren e trupit gjykues në lidhje me gjobën.
“Qëndrojmë pranë marrëveshjes të cilën e kemi arritur me Prokurorinë Speciale. E lusim Gjykatën, që të pandehurit t’i mundësojë që shumën monetare në shumë këste përgjatë dy viteve”, tha avokatja e të akuzuarit.
Kjo marrëveshje, u pranua nga trupi gjykues dhe brenda pak minutash u shpall edhe verdikti i Gjykatës.
“E gjykon me dënim unik në kohëzgjatje prej dy vitesh, në të cilin dënim do të llogaritet edhe koha e kaluar në paraburgim nga data 14.01.2026 e tutje. Dhe dënim me gjobë në shumën prej 15 mijë eurove” , u shpreh Medie Bytyqi –gjyqtare.
Me urdhër të Gjykatës, Radenkoviq iu konfiskuan përhershëm sendet e sekuestruara.
