Kryetari i Komunës së Bujanocit, Arbër Pajaziti, ka reaguar ashpër pas një akti vandal i cili ka ndodhur në Bujanoc ku një person ka dëmtuar posteri për promovimin e koncertit në kuadër të manifestimit të Ditëve të Komandant Lleshit.
Tutje ai tha se ky akt i ulët përfaqëson vlerat e qytetarëve dhe të komunitetit të shumëllojshëm që ndërton mbi respektin, tolerancën dhe bashkëjetesën ai tha se këtë akt duhet ta dënojmë fuqishëm dhe si raste të tilla autoritetet përkatëse duhet ta hetojnë rastin me seriozitetin.
Reagimi i plotë:
Dënim publik i një akti vandal
Me shqetësim dhe indinjatë kemi mësuar për aktin vandal të kryer ndaj posterit që promovon koncertin në kuadër të manifestimit të Ditëve të Komandant Lleshit. Thyerja e xhamit dhe dëmtimi i këtij posteri nuk është thjesht një veprim kundër një materiali promovues – është një sulm i papranueshëm ndaj kujtesës historike, kulturës sonë dhe përpjekjeve për nderimin e figurave që kanë dhënë gjithçka për lirinë dhe dinjitetin tonë.
Ky akt i ulët nuk përfaqëson vlerat e qytetarëve tanë dhe të komunitetit tonë të shumëllojshëm që ndërton mbi respektin, tolerancën dhe bashkëjetesën. Ne e dënojmë fuqishëm këtë veprim dhe bëjmë thirrje që autoritetet përkatëse ta hetojnë rastin me seriozitetin e duhur, në mënyrë që përgjegjësit të mbajnë përgjegjësi për këtë sjellje të papranueshme.
Ne nuk do të lejojmë që akte të tilla të cenojnë frymën e unitetit dhe të respektit që përpiqemi të ndërtojmë çdo ditë. Manifestimi i Ditëve të Komandant Lleshit do të vazhdojë siç është paraparë – me dinjitet, krenari dhe në nderim të historisë sonë
