Policia e Kosovës ka nisur hetimet për dëmtimin e një varri në varrezat e Matiqanit në Prishtinë.
Rasti është raportuar nga një qytetar, i cili ka njoftuar autoritetet se pllaka e një varri është dëmtuar nga persona të panjohur.
Pas marrjes së informacionit, në vendngjarje kanë dalë njësitë kompetente policore për të kryer ekzaminimet e nevojshme.
Sipas policisë, lidhur me rastin është njoftuar prokurori i shtetit, ndërsa hetimet po vazhdojnë për zbardhjen e rrethanave dhe identifikimin e personave përgjegjës.
