Kutia e ndriçimit publik në rrugën B në kryeqytet është dëmtuar e cila sipas komunës ka shkaktuar probleme në ndriçimin e kësaj pjese.
Sipas njoftimit të Drejtorisë së Shërbimeve Publike, dëmi është bërë qëllimisht, duke e dënuar si akt.
Nga kjo drejtori është thënë se janë njoftuar ekipet e mirëmbajtjes për të intervenuar.
“Në rrugën B është dëmtuar qëllimisht kutia elektrike e ndriçimit publik, duke shkaktuar probleme në funksionimin e ndriçimit në atë pjesë të qytetit. Ekipet e mirëmbajtjes së ndriçimit publik janë njoftuar menjëherë dhe do të ndërhyjnë për ta rregulluar dëmtimin sa më shpejt që të jetë e mundur. Kryeqyteti e dënon çdo veprim të tillë që dëmton pronën publike dhe cenon sigurinë e qytetarëve. Për rastin është njoftuar edhe Policia e Kosovës për procedurat e mëtejshme. Ftojmë qytetarët që të raportojnë raste të ngjashme, në mënyrë që të reagojmë sa më shpejt”, thuhet në njoftim
