Kompania Rajonale e Ujësjellësit “Prishtina”, ka njoftuar se në sheshin “Xhorxh Bush” do të ketë ndërpretje të furnizimit me ujë.
Në njoftimin e KRU-së thuhet se kjo vjenë për shkak të dëmtimit të një gypi të ujësjellësit nga operatorët ekonomik në Komunën e Prishtinës.
“Në sheshin “Xhorxh Bush”, operatorët ekonomikë të Komunës së Prishtinës kanë dëmtuar gypin e ujësjellësit me diametër 225 mm gjatë kryerjes së punimeve.Si pasojë e këtij dëmtimi, pa furnizim me ujë do të mbesin objektet në sheshin “Xhorxh Bush” deri në sanimin e defektit”, thuhet në njoftim.
Tutje,KRU njofton se për shkak të natyrës së ndërlikuar të dëmtimit, riparimi mund të kërkojë më shumë kohë.
