Këtë deklaratë Demolli e bërë në emisionin “Ditari”, në tëvë1 teksa foli për situatën e tensionuar kohët e fundit në veri të Kosovës.
Ajo tha që pushteti i tanishëm është i interesuar që përmes tensionimit të situatës të mos merret me punët dhe premtimet të cilat i ka premtuar gjatë fushatës zgjedhore.
“Pasiguria është kryefjala e vitit 2022 në Kosovës dhe gjithashtu procesi kryesor gjatë vitit 2022 në Kosovë ka qenë migrimi i të rinjve, profesionistëve dhe qytetarëve të Kosovës jashtë Kosovës. Dhe këto dy procese janë shumë të ndërlidhura sepse e kemi një pushtet i cili është i interesuar që përmes tensionimit të situatës të mos merret me punët dhe premtimet të cilat i ka premtuar gjatë fushatës zgjedhore”, tha Demolli.
Sipas anëtares së Kryesisë së PSD-së çdo tension që është duke u bërë tani është duke u bërë me qëllimin që qytetari i Kosovës në fund të thotë ka mundur me qenë edhe më keq.
“Mungesa e konstriktivitetit në dialog nga ana e Qeverisë së Kosovës është duke u bërë për t’u treguar për terrenin e brendshëm por qytetarët e Kosovës me qëllim elektoral me qëllim të fuqizimit për t’u treguar më të fortë, më këmbëngulës dhe në emër të dinjitetit mirëpo faktikisht çka po shohim ne realisht dhe çka po ndodh është që ne po marrim marrëveshje edhe më të këqija sesa që kanë qenë para tensionit”, shtoi ajo.
Demoli tha se dinjiteti i qytetarëve sot nuk varet nga nacionalizimi i shtuar por varet nga mirëqenia e tij ekonomike dhe siguria e tij ekonomike e cila sipas saj është duke rënë për shkak i inflacionit të rritur dhe për shkak të mungesës totale të Qeverisë për të bërë çfarëdo qoftë në këtë drejtim./Teve1.info/
