Lidhur me këtë çështje, analisti i politikave në Institutin GAP, Agron Demi ka publikuar disa të dhëna se si funksion një gjë e tillë në shtetet e tjera, shkruan teve1.info
Siç bën të ditur Demi, në shtetet si Norvegjia, Gjermania, Danimarka, Franca e Italia punëtorët të cilët marrin pjesë në grevë, nuk kanë të drejtë për rrogë apo përfitime të tjera.
Postimi i tij i plotë:
A paguhen grevistat në vendet tjera?:
𝐒𝐮𝐞𝐝𝐢: Punëtorët që marrin pjesë në një grevë të ligjshme ose në veprime kolektive humbasin të drejtën e tyre në pagë për kohëzgjatjen e ndërprerjes së punës.
𝐍𝐨𝐫𝐯𝐞𝐠𝐣𝐢: Punëtorët në grevë nuk kanë të drejtë të marrin paga.
𝐃𝐚𝐧𝐢𝐦𝐚𝐫𝐤𝐞̈: Punëtorët në grevë nuk kanë të drejtë për rrogë apo përfitime të tjera, si kontributet pensionale, pushimet e paguara dhe përfitimet e papunësisë ose sëmundjes.
𝐁𝐞𝐥𝐠𝐣𝐢𝐤𝐞̈: Punëtorët grevistë nuk kanë të drejtë në pagesë, por përfitimet e grevës mund të paguhen nga sindikata.
𝐆𝐣𝐞𝐫𝐦𝐚𝐧𝐢: Punëtorët në grevë të ligjshme nuk kanë të drejtë në pagesë. Pjesëmarrja mund edhe çoj edhe në ulje të bonuseve kontraktuale.
𝐅𝐫𝐚𝐧𝐜𝐞̈: Pjesëmarrja në grevë shkakton humbje të pagave: zbritjet e pagave për aksionin e grevës duhet të jenë rreptësisht në përpjesëtim me kohëzgjatjen e mungesës, një gjysmë dite grevë është e barabartë me 1/60 e pagës dhe një ditë me 1/30.
𝐅𝐢𝐧𝐥𝐚𝐧𝐝𝐞̈: Edhe pse punonjësit që marrin pjesë në një grevë nuk kanë të drejtën e pagave ose përfitimeve të punësimit, sindikatat mund të ndajnë përfitime modeste për anëtarët e tyre për kohëzgjatjen e grevës. Megjithatë, një punonjës që pengohet nga puna me veprime të ndërmarra nga punonjës të tjerë, ka të drejtë të paguhet deri në shtatë ditë.
𝐈𝐭𝐚𝐥𝐢: Në rast greve të ligjshme, detyrimet kryesore që rrjedhin nga kontrata e punës ndërmjet grevistit dhe punëdhënësit pezullohen, duke përfshirë edhe detyrimin për të paguar pagat.
𝐆𝐫𝐞𝐪𝐢: Pezullimi i marrëdhënies së punës përfshin të dyja palët (punëdhënësin dhe punonjësin). Duke qenë se pezullohet kontrata, po ashtu edhe marrëdhënia e punonjësit me institucionin e sigurimeve shoqërore, për rrjedhojë nuk paguhen kontributet e sigurimit.
𝐒𝐩𝐚𝐧𝐣𝐞̈: Ushtrimi i të drejtës së grevës nuk e ndërpret as marrëdhënien e punës e as nuk e arsyeton asnjë dënim, përveç nëse punëtori është fajtor për sjellje të pahijshme profesionale gjatë grevës. Megjithatë, për kohëzgjatjen e grevës, kontrata e punës pezullohet dhe punëtori nuk ka të drejtë në asnjë formë pagese.
