“Ky takim që do të mbahet nesër, më tepër ka karakter të diskutimi me dy shtete veç e veç, kryeministrit tonë, njëkohësisht dhe presidentit të Serbisë, për me u kthy në procesin e dialogut, për me e zhblloku procesin e dialogut si të tillë dhe kjo mund të jetë tentativa kryesore e këtij takimi të nesërm. Sepse nuk pritet që nesër të diskutohet ndonjë marrëveshje”, tha ai në “Këndi i Debatit” në Tëvë 1.
Tutje, ai shtoi se janë katër shtete të cilat mund ta ndihmojnë Kosovën dhe Serbinë për ta arritur një marrëveshje.
“Kur flasim për Gjermaninë dhe Francën që janë boshtet kryesore të BE-së, dy vendet më të fuqishme në aspektin ekomomik dhe politik…unë mendoj që janë katër shtete ato që munden t’i japin zgjidhje këtij problemi edhe me ardh deri tek marrëveshja. Janë Shtetet e Bashkuara të Amerikës, Gjermania, Britania dhe Franca. Pra janë këto katër shtete, që në një farë mënyre e kanë ndihmuar Kosovën me ardh deri këtu ku është dhe mendoj që janë shtete që kanë fuqinë politike dhe ndikim të madh politik, edhe poashtu mund ta luajnë edhe rolin e presionit edhe te Kosova edhe te Serbia për të arritur një marrëveshje”, tha Demhasaj.
Ndërsa, sa i përket çështjes së kompromisit, analisti Demhasaj theksoi se vetë dialogu është kompromis. /Teve1.info/
