Sipas Demhasajt, në qeveritë e kaluara për shkelje edhe më të vogla janë shkarkuar ministrat e zyrtarët serbë.
“Ne e dimë që në të kaluarën ministrat serbë që kanë qenë pjesë e qeverive të kaluara edhe për më pak shkelje janë shkarkuar ndërsa kur shohim sot se ministrat po i mbrojnë kriminelët e veriut nuk po e lejojnë Policinë dhe Prokurorinë me e kry punën e tyre, dhe në njëfarë mënyre po bëhen bashkëkryerës të krimit të organizuar në veri, sepse në momentin kur ti nuk i lejon organet e sigurisë me e kry punën e tyre, ti je bashkëkryerës në atë rast”, tha Demhasaj.
I pyetur se a do të duhej kryeministri Kurti të reagoj dhe ta shkarkojë Rakiqin, Demhasaj në emisionin “Këndi i Debatit” në Tëvë1 tha se deri tash Qeveria është dashtë me marrë veprime, sepse sipas tij nuk ka kuptim një ministër i cili mbron kriminelët të jetë pjesë e Qeverisë.
“Nëse i analizojmë veprimet e tilla të Listës Serbe dhe të zyrtarëve të kësaj liste që janë edhe pjesë e Qeverisë mendoj që është dashtë me pasë reagim nga ana e Qeverisë, që i bie në njëfarë mënyre me u shkarku ministri i Listës Serbe… Përndryshe nuk ka kuptim ti me qenë pjesë e një qeverie e cila mundohet me e luftu krimin dhe korrupsionin në veri përmes sanksioneve të ndryshme që atje janë marrë, e ti i reagon policisë dhe Prokurorisë”, u shpreh ai. /teve1.info/.
