Demhasaj tha se duhet të angazhohen për të identifikuar kriminelët që po kryejnë sulmet ndaj policëve.
“Ka sulme ndaj Policisë, madje ka sulme edhe me armë të zjarrit dhe deri më tash nuk kemi parë reagime nga ana e Policisë sonë. Unë mendoj që janë munduar të tregohen të kujdesshëm që mos të shkohet drejt destabilizimit të veriut, sepse e dimë që aty shumë lehtë mundet me rrëshqitë në destabilizim. Duhet me pasë një angazhim të gjitha strukturave të sigurisë dhe të hetuesisë për me u identifiku kush janë kriminelët që po e sulmojnë Policinë dhe në momentin që identifikohen duhet arrestuar”, është shprehur Demhasaj.
Ai më tej ka kritikuar edhe Listën Serbe për qasjen që ka ndaj kësaj teme. Sipas Demhasajt, ky subjekt politik po mundohet që të kundërshtojë idenë që brenda këtyre grupeve kriminale ka edhe serbë të pjesës veriore të Kosovës.
“Ne e dimë që atje ka grupe kriminale dhe e dimë që ka pasur disa tentativa të Policisë së Kosovës për me i arrestu ose me i identifiku, në anën tjetër çdo herë që ka aksione të tilla nga Policia e Kosovës kemi reagime të Listës Serbe”, tha Demhasaj. /teve1.info/.
