Këto deklarata ai i ka bërë në emisionin “Këndi i Debatit” në Tëvë 1.
Sipas tij, sanksionet deritanishme nuk mund të ndikojnë direkt në dobësimin e Rusisë, por që mund ta dobësojnë atë financiarisht, “pasi Ukraina të pushtohet”.
“Sanksionet qoftë nga Britania, e cila ka marrë më të ashpra ndaj Rusisë, mund ta dëmtojnë Rusinë, por jo tash për tash por pas një kohe. Deri në atë kohë të fillojë ndikimi financiar, mund ta ketë pushtu krejt Ukrainën. Derisa Rusia sulmon Ukrainën, mund ta sulmoj një shtet tjetër. Nuk ka garanci që në Evropë mund të ketë paqe”, deklaroi ai.
Demhasaj thotë se para sulmit, NATO i “kishte ofruar siguri Ukrainës”, por që thekson se pas reagimeve jo të duhura, “është shkelur marrëveshja mes tyre”.
“Paqja e Evropës është sulmu, sepse NATO i ka ofru një farë garancie Ukrainës për ç’armatim bërthamor edhe për këtë i ka ofru një garancion që në rast se ka me pasë tendenca të invadimit rus, NATO ka me i qëndru afër Ukrainës dhe ka me mbrojtë. Tash mund të konsiderojmë se NATO deri tash nuk po e respekton marrëveshjen për Ukrainën, sepse po të kishte pasur edhe Ukraina armë bërthamore pas shpërbërjes së Bashkimit Sovjetik, balanca e forcave mes Rusisë dhe Ukrainës do të ishte ndryshe, nuk do të ishte e lehtë të sulmonte ashtu. Nuk mund të themi që ka një reagim të duhur aq më pak nga vetë NATO pasi që ka qenë një lloj garantuesi, edhe në krejt botën”, shtoi Demhasaj./teve1.info/.
