Analisti, Arton Demhasaj, thotë që Presidentja e vendit, Vjosa Osmani, tani duhet të intervistohet nga ndonjë prokuror për t’i treguar emrat e atyre personave që e kanë kërcënuar e shantazhuar,
Pasi Osmani nuk ka dekretuar Blerim Isufajn, për kryeprokuror të shtetit, Demhasaj deklaroi që nga ato deklarata të presidentes, dëshmohet që Kosova ka degraduar në aspektin politik, ekonomik e juridik, shkruan teve1.info.
“Tani duhet një prokuror ta intervistojë presidenten dhe t’i thotë “hajde trego kush janë personat që të kanë kërcënuar e shantazhuar”. Ajo që e shohim nga deklarata e presidentes Osmani, tregon që shteti i Kosovës po degradohet në aspektin politik, ekonomik dhe në aspektin juridik. Pse Osmani nuk e ka marrë vendimin para një viti e gjysmë. Mos ta linte shtetin e Kosovës që një vit e gjysmë pa prokuror, por me ushtrues detyre. Çfarë mesazhi u jep qytetarëve të vendit presidentja e shtetit, kur thotë që ka pasur kërcënime nga njerëz të Sistemit Prokurorial. Atëherë, Osmani do duhej që menjëherë këtë çështje ta lajmëronte në polici. Mirëpo, presidentja nuk i bën publike emrat e tyre, e madje nuk i lajmëron në institucionet relevante të drejtësisë. Kjo i bie që çdo qytetar i Republikës së Kosovës, që has në krye të veprës penale, nuk do e lajmërojnë fare, pasi do thonë se “këtë e ka bërë edhe presidentja”, deklaroi Demhasaj në emisionin “Këndi i Debatit”.
Kujtojmë që Osmani sot tha se ka njoftuar Këshillin Prokurorial të Kosovës, se duke u bazuar në shkeljet që janë evidentuar në proces, nuk mund ta dekretojë Isufajn, për Kryeprokuror të Shtetit./teve1.info/.