Demhasaj në emisionin “Këndi i Debatit” në Tëvë1, ka thënë se procesi i dialogut po bllokon rritjen e numrit të njohjeve dhe anëtarësimin në organizata ndërkombëtare.
Sipas tij, në këtë aspekt nuk duhet të fajësohet partia që është në pushtet.
Ai thotë se Vetëvendosja kur ka ardhur në pushtet e ka gjetur një proces të tillë të dialogut me të cilën nuk është pajtuar që nga fillimi si proces, sipas tij në këtë aspekt nuk mund të fajësohet kjo parti.
“Fakti që jemi në një proces dialogues edhe fakti që po synojmë të arrinim një marrëveshje finale me Serbinë në një far mënyre ky është proces që po e bllokon edhe rritjen e numrit të njohjeve edhe anëtarësimin sepse secili shtet që nuk e ka njohur Kosovën deri më sot nuk pranon të njoh në një proces dialogues sepse thotë ta pres dialogun të përfundojë dhe pastaj e marrë vendimin se çfarë duhet të jetë dhe në këtë aspekt nuk duhet ta fajësojmë partinë që është në pushtet sepse partia që është në pushtet kur ka ardh e ka gjet një proces të tillë të dialogut dhe nuk është pajtuar prej fillimit si proces, pra në këtë aspekt nuk mund ta fajësojmë Vetëvendosjen”, ka thënë Demhasaj. /teve1.info/
