Sipas tij problemet mes Kosovës dhe Serbisë janë çështje politike.
“Gabimi më i madh që Kosova e ka bërë pas pavarësisë është që Kosova ka pranuar të ulet të bisedojë me Serbinë për çështjet teknike duke e ditur që problemet me Kosovën dhe Serbinë nuk janë teknike por politike” tha Demhasaj në Tëvë1.
Sipas tij të njëjtin gabim Kosova e ka bërë edhe me krijimin e Gjykatës Speciale, e siç tha ai është krijuar një sistem paralel.
”Ne e bëmë këtë gabim edhe me Gjykatën Speciale, duke pretenduar që po na krijon OKB-ja ose dikush tjetër Gjykatën Speciale… hajde të ulemi ta bëjmë vet dhe tash po e shohim ku jemi kemi krijuar një sistem paralel”, tha ai.
Demhasaj shtoi se është dashur të kemi një platformë kombëtare ose shtetërore për çështjen e dialogut dhe ajo platformë, sipas tij, me e marrë dritën jeshile nga fuqite politike që platforma me mbetë, pavarësisht se individët shkojnë e vijnë.
