Analisti politik, Arton Demhasaj po vlerëson se mbledhja e 50 + 1 për qind të votave për shkarkimin e kryetarëve aktual të katër komunave me shumicë serbe, është vështirë për t’u arritur.
Sipas Demhasajt, një numër i tillë votash mund të arrihet vetëm në rast të presionit të shtuar nga Beogradi.
“20 për qind e nënshkrimeve nuk është e vështirë me u nxjerr, por pastaj kur të verifikohen këto 20 për qind të nënshkrimeve siç e parashikon udhëzimi administrativ, atëherë KQZ duhet me fillu me organizu referendumin, që në referendum duhet me dal me votu pro shkarkimit të kryetarëve aktual 50 për qind +1 që është goxha e vështirë me grumbullu atë numër të votave, përjashtimisht vetëm nëse ka presione të mëdha politike nga Qeveria e Serbisë që me pru qytetarë serbe edhe prej Serbie vetëm me i shkarkua këta. Ndryshe në kushte normale është e vështirë”, është shprehur ai në emisionin “Këndi i Debatit” në Tëvë1.
Ai sqaron më tej se nëse dështon të mblidhen këto nënshkrime, atëherë edhe një vit nuk mund të organizohet një proces tjetër.
“Këta kryetar në aspektin e legjitimitetit mbesin kryetar komunash edhe për një vit tjetër”, ka thënë ai. /teve1.info
