Teksa tutje shtoi se përveç problemit të shkollimit dhe edukimit, problem kryesor është qasja e fëmijëve në rrjete sociale pa e ditur ndikimin që ka.
“Ndërsa sa i përket dhunës kibernetike që lidhet direkt me rrjetet sociale, 58 përqind e mësimdhënësve deklarojnë që nuk kanë mbajtur trajnim se si t’u qasen fëmijëve nëse shohin raste të dhunës kibernetike”, tha ai në emisionin “Këndi i Debatit” në Tëvë1.
Demhasaj bëri të ditur se në 6 vende të Ballkanit Perëndimor, sipas një studimi ka rezultuar që ka një përqindje të lartë të përdorimit të fëmijëve në rrjete sociale.
“Problemi kryesor është çështja e shkollimit dhe edukimit, problem tjetër është edhe qasja e fëmijëve në rrjete sociale e që është një nga problemet kryesore. Është bërë një studim në 6 vende të Ballkanit Perëndimor dhe statistikat janë të njëjta që ka një përqindje tepër të lartë të përdorimit të fëmijëve të rrjeteve sociale”, tha ai.
Përveç kësaj, Demhasaj vlerësoi se Ministria e Arsimit ka mundësi të zhvillojë programe të veçanta me grupe të caktuara të psikologëve për të mbajtur ligjërata në shkolla fillore. Sipas tij, ata mund të vetëdisohen shumë se sa të dëmshme janë rrjetet sociale për moshën e tyre.
