Ousmane Dembele dëshiron të qëndrojë te Barcelona dhe Xavi gjithashtu dëshiron ta mbajë anësorin francez edhe pas 30 qershorit, kur i skadon kontrata. Por pavarësisht këtij vullneti nga të dyja palët, të gjithë dyshojnë se çdo marrëveshje nuk do të arrihet lehtë. Ka shumë faktorë që mund të pengojnë negociatat nga tensioni midis bordit dhe agjentit të lojtarit. Dembele i ka thënë kolegëve të tij dhe Xavit se dëshiron të qëndrojë në Camp Nou.
Edhe futbollistët kanë deklaruar se francezi dëshiron të vazhdojë qëndrimin në kampin katalunas, mirëpo një marrëveshje mes të dyja palëve duhet të arrihet fillimisht.
Anësori ka edhe 3 muaj kontratë me Barcën dhe ai kishte qenë i lidhur me një kalim të mundshëm tek PSG, mirëpo nuk u arrit ndonjë gjë zyrtare.
