Debutimi i Lumbardh Dellovës në Superligën e Turqisë doli të jetë në mënyrën më të mirë të mundshme.
Ekipi i tij, Amedspor e nisi sezonin me fitore 3:0 në kampionat kundër Erzurumsporit, ndërsa Dellova ishte ndër më të dalluarit në fushë.
Krahas paraqitjes së mirë, Dellova edhe bëri një asistim në këtë fitore bindëse, duke i bërë vend vetes në ekipin më të mirë të javës.
Dellova është përfshirë në 11-shen e xhiros së parë të elitës së futbollit turk nga “SofaScore”, që e ka vlerësuar mbrojtësin e Kosovës me notën 8.2.
Ai është shqiptari i vetëm në formacionin e javës në Turqi dhe njëri prej dy futbollistëve të Amedsporit, ekip që po debuton në elitë.
Dellova këtë verë iu bashkua kësaj skuadre, të cilën e drejton trajneri Besnik Hasi kurse aktivizohet edhe Ermal Krasniqi.
