Kombëtarja e Kosovës e zhvilloi sot seancën e dytë stërvitore para ndeshjes miqësore me Norvegjinë.
Pas stërvitjes, për Federatën e Futbollit të Kosovës (FFK) foli mbrojtësi i Ballkanit, Lumbardh Dellova.
Dellova tha shpallja kampin me Ballkanin në Superligën e Kosovës e ka motivuar dhe e ka fokusuar atë që ta jap më të mirën nga Kombëtarja e Kosovës.
“Pas shpalljes kampion me Ballkanin jam shumë i motivuar dhe i fokusuar që të jap më të mirën për Kombëtaren. Stërvitjet janë duke shkuar shumë mirë, atmosfera është shumë e mirë dhe pse jo të arrijmë një rezultat të mirë. Duhet të japim më të mirën që të ndalojmë pikat më të forta që i ka Norvegjia, siç është Haaland dhe të dalim me rezultat pozitiv”, tha Dellova.
