Deputetja e PDK-së, Blerta Deliu ka thënë se moskonstituimi i Kuvendit, përveq faktit se ka lënë pa buxhet disa komuna, ka bllokuar tërësisht procesin e emërimeve në institucione të pavarura.
Deliu thotë se pengmarrja e Kuvendit, rrezikon thellësisht demokracinë.
“Moskonstituimi i Kuvendit, përveq faktit se ka lënë pa buxhet disa komuna, ka bllokuar tërësisht procesin e emërimeve në institucione të pavarura. Mungesa e veprimit nga legjislatura e kaluar dhe vonesat e Qeverisë në largim kanë lënë: Gjykatën Kushtetuese pa gjyqtarë, Komisionin e Pavarur për Media jofunksional, Avokatin e Popullit pa zëvendës, Qindra pozita bosh në borde, agjenci dhe komisione vendimmarrëse. Pasojat janë të rënda: jofunksionalitet institucional, mungesë llogaridhënieje dhe shkelje e sundimit të ligjit”, ka shkruar Deliu./teve1.info/
