Deputetja nga radhët e Partisë Demokratike të Kosovës, Blerta Deliu-Kodra ka kujtuar viktimat e Restelicës, ku orteku i borës i kishte marrë jetën 10 banorëve të së njëjtës familje.
Deliu, përmes një postimi në Facebook ka shkruar për 11-vjetorin e tragjedisë se ditën e sotme banorët e Restelicës e kujtojnë si një ndër ditët më të dhimbshme në historinë e fshatit të tyre, raporton teve1.info
“Atëbotë qetësinë e fshatit e kishte trazuar orteku i borës që kishte marrë jetën e 10 bashkëfshatarëve, ndërkaq pamjet e shpëtimit të vogëlushes Amsera Reka, të mbijetuarës së vetme në këtë tragjedi familjare, kishin pushtuar mediet botërore”, ka shkruar deputetja.
