Deputetja e Partisë Demokratike të Kosovës, Blerta Deliu ka reaguar pas vendimit që ka marrë Lëvizja Vetëvendosje për ta dominuar Glauk Konjufcën për kryeministër.
Në një postim në Facebook ajo ka thënë se Konjufca e pranoi që nuk i ka votat për tu bërë kryeministër duke i bërë thirrje opozitës që ta votojnë.
Ajo ka pyetur se si ka mundësi që presidentja të mandatojë një kandidat i cili nuk i ka votat dhe varet nga opozita.
“Kandidati i nominuar për krijimin e Qeverisë së Kosovës nga radhët e LVV-së, z.Glauk Konjufca, sapo e pranoi që nuk i ka numrat për votimin e kabinetit të tij, duke deklaruar se “i takon opozitës a dëshiron që të kemi dy palë zgjedhje, apo ta votojë Qeverinë e Lëvizjes Vetëvendosje, deri në kohën e rizgjedhjes së Presidentit”!Si ka mundësi që Presidentja e vendit të mandatojë një kandidat i cili ende pa shkuar në Kuvendin e Kosovës, thotë se krijimi apo jo i Qeverisë, varet nga votat e opozitës?!”, ka shkruar ajo.
