Deputetja e PDK-së, Blerta Deliu-Kodra, ka folur për rastin e vdekjes së 27-vjeçarit në Lipjan, pak para fillimit të seancës konstituive.
Ajo pret që Prokuroria dhe Institucionet përgjegjëse të zbardhin detajet e vdekjes së të riut.
“Presim nga prokuroria dhe institucionet përgjegjëse të zbardhin detajet e këtij rasti tragjik. Situata e sigurisë në Kosovë duhet të trajtohet me seriozitet të plotë. Është akt shumë i rëndë dhe institucionet përgjegjëse të cilat kanë mbetur në heshtje, duhet të marrin masa dhe përgjegjësit duhet të ofrojnë përgjegjësi”, deklaroi ajo para gazetarëve.
Sa i përket seancës, deputetja tha se nuk pret reflektim as sot, pasi sipas saj, qasja e VV-së është e njëjtë.
