Deputetja e PDK-së, Blerta Deliu, ka reaguar pas vendimit të presidentes Vjosa Osmani për caktimin e datës 28 dhjetor për mbajtjen e zgjedhjeve të parakohshme parlamentare, duke e cilësuar vendimin si të njëanshëm.
Në një postim në Facebook, Deliu tha se pavarësisht mënyrës së vendimmarrjes, kjo datë duhet të kthehet në një moment të rëndësishëm për rikthimin e përgjegjësisë, maturisë dhe vizionit politik që i nevojitet vendit.
“Edhe pse vendim i njëanshëm i Presidentes, kjo datë mbetet një mundësi historike për ta rikthyer institucionin te qytetari dhe vullneti i shumicës. Vendimmarrja nuk mund të jetë e plotë pa zërin e popullit, prandaj 28 dhjetori është dita jonë”, ka shkruar ajo.
Ajo ka ftuar gjithashtu diasporën që të marrë pjesë në proces, duke theksuar se vota e tyre “nuk është vetëm numër, por forcë dhe përgjegjësi”. /teve1.info/
