Superliga e Kosovës në futboll rikthehet në aksion këtë fundjavë me ndeshjet e xhiros së pestë që do të zhvillohen përgjatë tri ditëve.
Sot, është bërë delegimi i gjyqtarëve për pesë ndeshjet e xhiros së pestë, në të cilën do të jenë dy ndeshje derbi.
Prej kësaj xhirove do të ketë orar të ri të ndeshjeve, të cilat do të startojnë prej orës 15:00.
Njëri prej derbive është ai që luhet të shtunën në Suharekë ndërmjet Ballkanit dhe Prishtinën, ndërsa drejtësinë do ta ndajë Mentor Ajeti, i cili do të asistohet nga Fatmir Sekiraqa e Meriton Berisha.
Ndërkohë, derbin tjetër, atë ndërmjet Llapit dhe Dritës që është në program të dielën, janë deleguar Erdall Zasella si gjyqtar kryesor kurse ndihmësit e tij do të jenë Edmond Zeqiri e Zgjim Rrahimi.
Gjyqtarët Visar Kastrati, Granit Hyseni e Bekim Rama janë në ndeshjen Dukagjini – Klina, ndërsa Ilir Mehmetit, Besnik Morinës e Bajram Kabashit i është besuar dueli Ferizaj – Suhareka.
Ndeshja Gjilani – Feronikeli ’74, luhet të hënën dhe e mbyll xhiron e pestë, ndërsa gjyqtarë janë Alban Shala, Arbnor Bullatovci e Gëzim Mehmeti.
Për këtë xhiro nuk është deleguar fare gjyqtari Genc Nuza, i cili nuk ishte në short.
