Vitin e kaluar deklaroi se do ta hapte urën e Ibrit që lidh Mitrovicën e Jugut dhe atë të Veriut.
Madje u bënë edhe disa testime të saj, mirëpo pas vizitës në tetor të shefit të CIA-s në Kosovë, William Burns, kryeministri Albin Kurti nuk tregoi se çfarë po ndodhë me këtë zotim të tij.
As në fushatë elektorale, kandidati i LVV-së për kryeministër nuk përmendi nëse do ta hapë këtë urë.
Por kandidati për deputet i Lidhjes Demokratike të Kosovës, Shkëlzen Hajdini tha në tëvë1 se nëse fitojnë mandatin ura do të hapet në koordinim me aleatët ndërkombëtarë.
Deklarime të tilla vlerësohet se janë vetëm për fushatë elektorale.
Politologu Albinot Maloku thotë se duhet plotësuar edhe rrethanat politike për këtë.
Këtë e sheh si të pamundur edhe ish-ushtaraku, Hysen Gecaj.
Koloneli në pension i FSK-së, konsideron se politikanët duhet patur kujdes në deklarime që kanë të bëjnë me sigurinë.
As partitë tjera që synojnë marrjen e pushtetit nuk kanë përmendur hapjen e Urës së Ibrit.
