E deklarimet se mund të ketë luftë, nga njohës të fushës së ekonomisë dhe biznesit po shihen si pengesë për investitorët e huaj që veprimtarinë e tyre ta zhvillojnë në Kosovë.
“Çdo investitor serioz dhe potencial së pari bën një hulumtim se çfarë klime është ekonomike, politike dhe juridike. Në bazë të saj vendos për investim dhe përfitim të vetin. [0:57] Deklaratat e fundit dhe të përsëritshme të kreut të shtetit që në Kosovë mund të ketë luftë kjo është një goditje e rëndë për secilin qytetar, investitor vendor dhe për ata që mendojnë të vijnë në Kosovë”, tha Agim Shahini – kryetar i Aleancës Kosovare të Bizneseve.
Teksa sipas ish-kryetarit të Odës Ekonomike të Kosovës, Safet Gërxhaliut, këto deklarata janë të rrezikshme edhe për bizneset vendëse.
“Nuk e kam brengë vetëm largimin e tyre. Çka do të ndodh me bizneset kosovare të cilat përveç sfidave me të cilat ballafaqohen në këtë realitet dëgjojnë edhe deklarata të tilla, punëtorët do t’ju largohen, është diçka që nuk i bën nder sektorit privat, zhvillimit ekonomik dhe qëndrueshmërisë ekonomike të Kosovës’,tha ai.
E Arian Zeka, Drejto i Odës Ekonomike Amerikane, thotë se Kosova është vend i sigurt për investime dhe këtë mesazh duhet ta përcjellin të gjithë politikanët.
“Çfarëdo deklarate e cila pretendon cenimin e aspektit të sigurisë në Kosovë është në kundërshtim me përpjekjet për promovim të mundësive për investim në Kosovë, aq më tepër që në Kosovë ka një mision ndërkombëtar ushtarak të udhëhequr nga NATO. Rrjedhimisht, kjo bënë që kompanitë në Kosovë të jenë të sigurta, e ky mesazh duhet të përcillet edhe tek investitorët e huaj potencialë. Të gjithë akterët, politikë dhe jopolitikë, qeveritar dhe joqeveritar, kanë përgjegjësinë e ndryshimit të perceptimit jo aq të mirë që investitorët kanë për Kosovën dhe jo të kontribuojnë në përkeqësimin e këtij perceptimi”, tha ai.
Vetëm në tre muajt e parë të vitit 2022, Investimet e Huaja Direkte arrin vlerën e 147 milionë eurove që sipas autoriteteve është për afër 44 milionë më shumë se periudhën e njëjtë të vitit të kaluar.
Kronika e gazetarit Gojart Jashari.
