Gjithçka thuhet të ketë ndodhur kur grupi prej 24 elefantësh po kalonin nëpër xhungël në shtetin Odisha, kur hasën në enë të madhe alkooli, apo pija ‘muhua’, që është një pije tradicionale e bërë nga lulja e pemës “madhuca longifolia”, transmeton Telegrafi.
Vendasit nga fshati Salipada i kishin lënë kavanozët e alkoolit të fermentoheshin në xhungël – por i gjetën ato kavanoza të thyera, dhe një tufë elefantësh të rrëzuar në tokë në një gjendje të dehur.
Tufa, e cila përfshinte nëntë elefantë të vegjël, kishin pirë alkoolin dhe ishin dehur aq shumë sa vendasit nuk ishin në gjendje t’i zgjonin nga gjumi i thellë.
Elefantët u zgjuan vetëm nga gjumi i dehur kur zyrtarët lokalë të kafshëve të egra u shfaqën dhe filluan të binin daulleve.
Tufa, me shumë gjasa me dhimbje koke, për shkak të alkoolit, arriti të ngrihej në këmbë dhe të ecte ngadalë në thellësi të pyellit. /Telegrafi
