Eksperti i komunikacionit, Nol Dedaj, ka shprehur shqetësimin për gjendjen e sigurisë në trafik, duke theksuar se aksidentet rrugore mbeten alarm për institucionet përgjegjëse.
Sipas tij, faktori njerëzor vazhdon të jetë shkaktari kryesor i aksidenteve, megjithatë probleme serioze ekzistojnë edhe në infrastrukturën rrugore dhe mungesën e sinjalizimit adekuat.
“Sigurisht që situata është shqetësuese, është paraqitur edhe tash edhe vazhdim e sipër, edhe kjo është një alarm në institucionet publike tona që në mënyrë me pas parasysh që të organizohen dhe të merren masa për parandalimin e këtyre aksidenteve. Faktori njeri është që merr pjesë me përqindje më të madhe në krahasim me faktorët rrugët dhe automjetet të cilët janë me përqindje më të vogël”, ka deklaruar Dedaj në emisionin “Ditari” në Tëvë1.
Ai ka theksuar se mungesa e sinjalizimit në shumë rrugë mbetet problem serioz për sigurinë në trafik.
“Rreth 40 % e rrugëve të cilat menaxhohen prej ministrisë fare nuk ekziston sinjalizimi, pastaj kemi problemin tjetër që sinkronizimi mes sinjalizimit horizontal e vertikal mungon”, është shprehur ai./teve1.info/
