Kryetari i Deçanit, Bashkim Ramosaj ka thënë po përballen me raste të shumta të zjarreve.
Ai ka thënë se numri i madh i zjarreve e dhe i pamjaftueshëm numri i zjarrfikësve e bënë situatën më të vështirë.
Ramosaj u ka bërë thirrje qytetarëve për kujdes por edhe bashkëpunim.
“Këto ditë me temperatura jashtëzakonisht të larta, rreziku nga zjarret është shumë i lartë. Fatkeqësisht, kemi raste të shumta ku po digjen ara, fusha dhe male. Ju bëjmë thirrje të gjithëve që të keni kujdes maksimal gjatë kësaj periudhe. Po ashtu, nëse shihni ndonjë vatër zjarri, ju lusim që nëse është e mundur dhe pa rrezikuar jetën, të përpiqeni ta shuani vetë. Për shkak të numrit të madh të zjarreve dhe mungesës së mjaftueshme të ekipeve zjarrfikëse, bashkëpunimi juaj është i domosdoshëm në parandalimin dhe reagimin ndaj këtyre situatave”, ka shkruar Ramosaj.
