Gruas ruse të një kosovari, e cila jeton në Gjermani, iu ndalua hyrja në Kosovë të shtunën.
Ajo mundi të ateronte në Aeroportin Ndërkombëtar të Prishtinës mirëpo u kthye prapa nga autoritetet e Kosovës.
E në një përgjigjje për Tëvë 1, nga Ministria e Punëve të Brendshme kanë thënë se shkak për këtë është një vendim që i obligon shtetasit e Rusisë të pajisen me vizë të Kosovës për hyrje, transit dhe qëndrim në Kosovë.
“Të gjithë shtetasit e Federatës Ruse, bartës të Pasaportave të rregullta, zyrtare dhe diplomatike, si dhe ata që kanë leje qëndrim biometrik valid, të lëshuar nga shtetet e zonës Schengen, përfshirë bartësit e vizës valide Schengen shumë hyrëse, obligohen të pajisen me vizë të Republikës së Kosovës, për hyrje, transit dhe qëndrim në territorin e Republikës së Kosovës”, kanë thënë nga MpB.
Sipas ministrisë e njëjta ka poseduar pasaporten ruse dhe lejeqendrimin gjerman , prandaj nuk ka plotësuar kushtet për hyrje në Kosovë.
