Reprezentuesi i Kosovës, Edon Zhegrova është synimi kryesor i skuadrës së Romës në afatin kalimtar të verës.
Te Roma, po shpresojnë ta mposhtin konkurrencën e fortë të Juventusit dhe Napolit për shërbimet e 25-vjeçarit. “Il Tempo” shkruan të premten se është trajneri i Romës, Daniele De Rossi, ai që po kërkon me çdo kusht transferimin e Zhegrovës në verë.
Zhegrova po shihet si përforcim ideal për sulmin te Roma, ekip që tashmë ka nisur kontaktet me Lillen për shërbimet e tij.
Zhegrova këtë edicion ka treguar paraqitje të mira për ekipin francez dhe pritet të largohet këtë verë.
Te Lille po kërkojnë të paktën 15 milionë euro për Zhegrovën, i cili ka kontratë deri në vitin 2026. Në 46 paraqitje këtë edicion në të gjitha garat, Zhegrova ka shënuar 12 gola dhe ka bërë 9 asistime për Lillen.
