Skuadra e Barcelonës ka mbetur pa mesfushorin Frenkie De Jong për pjesën e mbetur të këtij edicioni.
Të hënën është bërë e ditur se De Jong e ka mbyllur edicionin para kohe pas lëndimit që e pësoi ndaj Real Madridit.
Barcelona u mposht 3:2 në “El Clasico”, ndërsa De Jong në fund të pjesës së parë u largua me barelë pasi lëndoi nyjën e këmbës.
Shkaku i këtij lëndimi, holandezi do të qëndroj jashtë fushës për pesë javë. Edhe pse tashmë e ka përfunduar edicionin me Barcelonën, De Jong do të jetë i gatshëm për të qenë pjesë e Holandës në Evropianin që mbahet në Gjermani.
26-vjeçari këtë edicion ka shënuar 2 gola në 30 paraqitje për Barcelonën në të gjitha garat.
