Federata e Basketbollit të Kosovës ka filluar me përgatitjet për edicionin e ri garues 2024/25 në basketbollin tonë.
Tashmë janë përcaktuar datat e mbajtjes së Superkupës dhe sezonit të Superligës së Kosovës.
Sipas parashikimeve të FBK-së, Superkupa e Kosovës pritet të mbahet me datat 7-11 shtator.
Derisa edicioni i ri i Superligës së Kosovës pritet të startojë me 14/15 shtator, që i bie pak ditë pas mbajtjes së Superkupës.
Trepça dhe Peja sivjet do të luajnë në garat ndërkombëtare, ku Trepça do të luajë kualifikimet në Ligën e Kampionëve me datat 16/22 shtator e Peja do paraqitet me datat 24/27 shtator në kualifikime për FIBA Europe Cup.
